喜愛薰衣草的女孩的部落格

踩完單車，個個都不約而同地講左句：邊個提意國慶節踩單車架！

哈哈，原因係今日天清氣朗，陽光普照。可惜我因瞓過龍，急急腳出門，搞到cut帽呀、防晒露之類的一概唔記得帶。好彩防晒呢家嘢，有朋友借出俾我，但就無人會帶兩頂帽出街了。今日我俾人激親呀！

當我搭緊東鐵就到時，我個朋友打俾我問我買唔買水，有人問當然係答好啦，不過我個朋友好衰呀！點解？因為佢的回覆係："我買左水了，仲俾埋錢tim，我係唔會幫你行返去買架，你自己來到先買啦！"聽完，如果當時佢係我身邊，我想我一定會揼佢。

嘩嘩嘩！原來國慶踩單車係咁貴架，我地2點到大圍，問左2間租單車的店舖，都話要100蚊踩全日，我心諗，都2點了，就算踩最多都係踩到5點幾6點左右，我地一行8個人，但佢一毫子都唔肯減，硬住頭皮租左落來。

真係大熱天時晒咸魚，由大圍一直踩到大尾篤，真係好遠好熱好攰呀，平時都係由沙田踩到海濱公園再踩返返來都有少少"協"力，今次仲踩咁遠。平時踩單車都好少見到有人炒車，可是今次短短4個鐘內，都見到不少於5個人炒車，有d仲要call白車。

夜晚去左太子吃素齋，都唔知好唔好味了，每上一碟餸菜，個個都爭人不讓地吃左先算！