阿bi又走佬了....真係越大越唔生性！
話說係星期一我阿媽帶佢落街，佢見到兩個靚女及一隻狗仔就二話不說跟人走左佬，阿媽話佢平時只係走幾分鐘就會返返來搵佢，但阿媽係原地等左成十分鐘都唔見佢返來就去搵佢啦，係上村都見唔到又落下村搵都搵唔到，最後搵左成個鐘都無找獲、又驚就打電話俾我地叫我地一齊去搵啦。
到我換完衫準備出門時，阿媽話係樓下大堂找到佢，真係俾佢嚇左一嚇！原來佢係大門外等左媽咪成個鐘架啦！(係坐係樓下gei男仔講架)，個個走過去"廖"佢玩，佢都唔行開。媽咪聽完個男仔講，當堂個心都甜晒！
今晚聽新聞話有流星雨睇，就同阿媽帶埋bubi落去，開頭睇住佢時佢行來行去，不時望下我地所以就好放心俾佢自己一個玩，佢見我地唔留意時又唔知走左去邊，我同媽咪開始分頭搵，又搵左成個幾鐘都搵唔到，特然有個男仔叫住我，問我係未搵狗，話佢係下村見到隻狗遊來遊去，所以搵左佢上來。真係萬分感激果位仁兄呀！如果唔係佢，我同媽咪真係唔知仲要搵幾耐呀！
最後，bubi得到的梗係教訓啦！
我的流星雨呀.....還記得讀中學時(大約中一、二左右)，有一個六十來先有的大型流星雨，真係可惜，果時因為當晚多雲咁都睇唔到。期後多次都有少數流星雨，但都無緣睇到，今次有係咁！"唔通還個天都唔鐘意我？"
全站熱搜
留言列表
