今日好嬲好嬲啊！
噚晚公司Annual Dinner開到成12點先結束，所以今日都唔係好精神
，心情都唔係好好架啦
！但個八婆(我真係咁大個女第一次咁樣話一個人)，我平時唔講粗口今日都要講啊！
話說今日早上，我過去公司另一邊office，finance個女人突然問我：喂，你噚晚套戲服係邊啊？(嚇，我噚晚放左入個袋啦，個袋仲係你指俾我睇話放入去gei)佢就話啦：無哦，唔見左你要負責。我聽完呆左一呆，
有少少嬲就話啦：個袋係你話俾我聽放入去架！佢又話：套衫你穿架，唔見左梗係你負責啦！
聽完佢講完我真係好想大聲罵佢八婆，唔通我要攬住套衫睇住佢上車咩，服飾方面係你負責，你唔係應該點齊？同時係你指定擺放的位置，唔見左都係我負責？無腦都唔係咁講野下吧！之後Admin有個女仔行過來話套衫係另一個袋啊！個女人就當我透明咁同Admin個女仔講嘢。當時好想好想行過去打佢幾巴！
過左一陣我個心都好唔舒服，就同finance另一個女仔講起呢件事發洩
，因為佢都有份演出，傾談間先知果個女人原來平時都係咁衰架，唔怪得以前佢地都會一齊吃飯去玩，之後都係因為咁而大家對佢都無任何的好感。我點解唔知？因為佢地好少提唔，非常唔鐘意提佢，之前又因為佢地以為我同佢好好，所以唔想係我面前話佢是非....
不過亦都好彩finance個女仔安撫左我一下，回想返我嬲，只會激壞自己，又搞到自己講粗口，得不常失。發洩左出來個心舒服左少少。
全站熱搜
留言列表
