今日一大早就起左身了,10點半機,唔可以Late架,但係去機場之前就發生左三個小插曲,咩事?哈哈,原因係我以為屋企呢邊有機場巴士,我搭過幾次啦,但今日先知,原來果兩部巴士都..:一部就係星期一至五,而且每日得兩班,一部就係N車,凌晨12點得一班.....,呵呵,見到時就立即搭的士落到市中心轉搭巴士,有驚無險好快就上到車,九點左右就到左機場啦;去排隊拎機票時又有第二個小插曲,就係無機會,我都唔明,訂左位都會無位,我地足足等左個幾鐘先上到機(果時已經係10點15分了);第三個插曲就係我同我個朋友都唔記得帶個行程表呀,係機場想搵部電腦抄返到無,最後好無耐地打俾個Friend叫佢send
去我e-mail度(點解不叫我細佬,係我屋企部desktop電腦壞左)。

 

到左北京,setup晒D嘢都已經係4點鐘左右的事了,原本訂左今日去行天壇,太夜了唯有取消,最後去左無諗過要去的鳥巢及水立方。(係呀,講少少嘢先,係我地搭機場快線時,遇到個山東人去北京公幹,佢見到我地倆個拎住件羽就話我地洗唔洗咁夸張,因為今日係15度呀,開始時我都以為係,因為中午時份都係好熱,到夜晚佢就錯了,夜晚溫度係成3至4度架!)

 

行左一個鐘左右,就轉戰王府井大街、東華夜市,不過我個人覺得王府井大街就無咩行了,全部都係商場林立及各大名牌,所以我地都無入過去,純粹係街道上行下,係王府井大街的橫街有個叫東華夜市,有形形式式的小吃賣,係香港我係甚少吃街邊小吃的,今次入鄉隨俗小小都要試下,真係人生第一次,第一次吃咸豆腐花、第一次親眼見到人吃炸蝎子.......真係有人吃架!不過狗不理包就麻麻地了。

 

飛機餐,好難吃,只有杯橙汁先好味D!

 

 

 

 

 

夜晚的水立方真係好靚,不過鳥巢就麻麻地了。

 

 

 

 

 

影相技術唔得,所以勉強咁睇到.....

 

 

 

 

 

真係經典呀!

 

 

 

 

 

Crazy!!!!!!!仲有沙魚、海星、海膽.......Crazy!!!!

 

 

 

 

 

半島酒店呀!個型同香港果間都有幾分似

 

 

創作者介紹
創作者 喜愛薰衣草的女孩 的頭像
喜愛薰衣草的女孩

喜愛薰衣草的女孩的部落格

喜愛薰衣草的女孩 發表在 痞客邦 留言(0) 人氣()