喜愛薰衣草的女孩的部落格

回顧2009年，發生左好多好多事，有開心、有唔開心。

記憶猶新的莫過於：第一件事係今年同男朋友分左手啦，拍左拖5年幾，最近呢兩年都係唔開心多過開心，在分手時亦都令到雙方好唔開心，不過呢D都已經過去了。依家大家都可以做返朋友，已經係意想不到的事了。另一方面，我真係好感謝你，在過去5年里面帶給我所有所有的喜怒哀樂，呢D都係我成長過程中的一部份。同時，我亦相信一段感情的結束，是另一段感感的開始，所以隨着2009年的過去，希望在新的一年內，大家都可以各自搵到生命中的另一伴。

第二件事就係我仲於去左台灣啦，咁大個女第一次出國，第一次自由行，平安去平安返來。媽咪成日都話我"膽生毛"，作為女仔成日都周圍去。哈哈...如果我有錢，我真係會日日去旅行架，人地話去旅行係Relax，但我又唔覺得，去旅行係好辛苦架，不過可以見到當地的風土人情，心情係講唔出的開心。

第三件事就係我大表姐仲於嫁得出啦！真係估唔到我ge第一次就咁俾左我表姐，或者少去飲，第一次做伴娘，所以雞手鴨腳。不過好彩都順利度過左，希望表姐婚姻美滿，快D生個B出來。在當日，不斷被人問候：幾時到你啊，快D搵返個人返來啦.......真係呀，有時有D野唔係話有就有架，不過我都相信緣份，有緣的話，兩個人總會相識知相，正所謂：千里姻緣一線牽。