不一樣的萬萬節 @ 喜愛薰衣草的女孩的部落格

今晚唔只係萬萬節，仲係我好朋友趙趙的生日。

所以我地book左帝京酒店吃buffet，講起我都好耐無吃啦，對上一次吃buffet都好似係大半年前的事了。

今日真係好開心啊，因為當中仲有好多好耐無見的人，坐談把心，由七點半吃到十點半，看似漫長，但當晚時間真係好快過。

過後仲去埋影貼紙相，話時話，我亦都好耐無影過了，數數手指都有幾年了。依家D貼紙相真係好貴啊。以前幾十蚊，依家要成七十蚊啊，仲有埋紅外線接收相tin。果日我見到有紅外線接收時大叫(好似大鄉里出城咁)，仲要俾人串，好耐之前就有啦，你無見過咩......我見過就唔會咁驚訝！影完見無咩人，仲偷偷地入機內用私家相機亂影。影下影下，我見出面好似靜得好交關就打開簾看看，撞正老闆入來巡視，一看原來出面已經無晒人了，老闆係聽到有人聲先過來睇睇(好彩收相機收得快，不係就俾人閙架啦)，我係度諗，如果我地影相時唔係巴巴巴啦，就係俾人鎖係里面架啦....咁就真係不一樣的萬萬節啦。