喜愛薰衣草的女孩的部落格

致遠方的你：

這個星期真係過得好漫長。也使得我覺得自己對公司的歸屬感越來越少了。

回想在星期五(9月6日)我和秘書姐姐午飯後還一齊去阿信屋買了很多零食，又去了pacific coffee買coffee飲，在下班的時候還等她一齊走，最後她當然被總經理叫了去，好一會兒都沒出來我就走了，在我放學回家的路上竟收到她的一個whatspp說被公司炒了，真是太過突然了，有點接受不了，之前一點預兆都沒有，聽聞星期一會有個新人上班，這不是早早就有了準備了嗎？

 終於搬左家了！也正正試試地告別在Yblog的1966天的日子！

在最初聽聞Yahoo會close blog的時候，真係給他嚇了一跳，還以為是網上的人大整估，當時在想，在寫blog的人那麼多，以前所寫的資料不就沒有了？之後才知可以把以前的文章和相片全都搬到你指定的地方。

真係好尷尬，呢篇blog應該係11月6號寫的，但我到今日今日12月14號1個多月才有時間寫返，不過唔緊要啦，過多一年半載後都知哪年哪月哪日，我在做什麼，可以記敘當時的情形以回想返都係一件好美滿的事。

還記得10月時，公司話會參加「麥當當保齡慈善大賽」會請同事自願報名參加，我係第一個參加，不是為什麼，係我比較喜歡打保齡球(仲然我不識打)。原定公司會俾同事自由參加，抽出六個人出來參賽，到最後竟然無人參，最後唯有抽得兩個人，total三個人出來比賽。

踩完單車，個個都不約而同地講左句：邊個提意國慶節踩單車架！

哈哈，原因係今日天清氣朗，陽光普照。可惜我因瞓過龍，急急腳出門，搞到cut帽呀、防晒露之類的一概唔記得帶。好彩防晒呢家嘢，有朋友借出俾我，但就無人會帶兩頂帽出街了。今日我俾人激親呀！

當我搭緊東鐵就到時，我個朋友打俾我問我買唔買水，有人問當然係答好啦，不過我個朋友好衰呀！點解？因為佢的回覆係："我買左水了，仲俾埋錢tim，我係唔會幫你行返去買架，你自己來到先買啦！"聽完，如果當時佢係我身邊，我想我一定會揼佢。

今晚聽到一個令人興奮的喜事呀！

心血來潮，搵返以前細個睇過的一套卡通片睇，回想當年為左睇呢套卡通片，一放學就好乖地回家，立即做完功課就開電視睇啦，阿媽話唔準睇要熄電話，我可是吵到要拆天。

回想當年的自己，可算是再幼稚不過了，在開始前，自己也要先梳個一樣的頭髮才可以。並聯想自己是當中的女主角....

可以活在科技發達的時代也可算是好幸福，因為可以隨時地搵返童年回憶..........

今日係追月，一大清早，媽咪話返去探下婆婆，所以我為有陪佢返去啦，佢一個返我真係有D擔心。

雖然話婆婆家離香港唔係好遠，都要三個鐘車程。世事有時真係好奇，如果平時少搭的士的話，成年都唔會搭，一搭的話果排就會不斷搭架啦，就好似我呢個星期咁，星期一、二、三、四每日都不得不搭一次的士，心痛死我啦！就好似今日咁，朝早同媽咪落樓下等小巴去旺角，等左三四架車都上唔到(滿座)，咁媽咪就話買個包俾我依下肚先，我阻都阻唔住，媽咪行開左只係一陣(大約十分鐘左右)，走左四架車，其中兩架仲係空車tim...到媽咪買完返來時，我地又等左兩架車都上唔到，我開始有小小不耐煩了，於事媽咪就話搭的士，咁好啦，上左的士，就見到一架得兩三個人的小巴駛過。嘩!!!!!咁係未叫玩我啦！要佢時佢就唔俾我，唔要佢時佢就鬼咁多架係我眼前駛過！

連續幾天都天陰陰，微雨紛紛；今天雖時也陰天，但也不時放晴，難道上天也為菲律賓人質事件而難過，為此而流淚？

今晚，八位遇難者及倖存者終於回家了，全港市民、甚至連上天也為此而感到安慰，因而放晴。

人生都係好似拍戲！原以為拍戲的情節，永遠都只係拍戲，在人生中係不會出現，但今日....真係人生如戲，人的一生亦係在拍戲。

近來又喜歡上望天，每每仰望天空見到藍天白雲，心情亦自不然會愉快。

望着天上的雲彩，給人有一種舒服及想像的空間。

好開心呀！之前訂左小新，今日終於拎到啦！

深圳東部華僑城真係直得去睇去！所以下次要帶埋我父母去玩下，一日時間根本唔夠行，我地去果日山腰同真係好大好大霧，所以觀景台上什麼都睇唔到，可惜！

東部華僑城，其實話去都講左好耐架啦，但一直都搵唔到人，或夾唔到時間，不過，今個星期個friend終於夾到時間了，不過我地星期三先去報名，所以旅行團可以選擇的吾多，住的酒店都無得選，最想住的係瀑布酒店，可惜太遲報名了以至full
晒，最後只有房車酒店可以選，好彩都不過不失啦！

7點正要到紅磡報到，所以一大清早5點幾就起左身，6:55分就到了，上車時都係俾人話.....因為我個friend足足遲到左成半個鐘。

一年一度的同學會完滿結束了。

昨晚玩得真係好開心，可以見返一班十幾年無見的同學仔，個心情都係難而用文字形容出來。

今日好嬲好嬲啊！

噚晚公司Annual Dinner開到成12點先結束，所以今日都唔係好精神，心情都唔係好好架啦！但個八婆(我真係咁大個女第一次咁樣話一個人)，我平時唔講粗口今日都要講啊！

星期六出左去洗牙，對比上一次係屋企樓下洗，呢個就洗得無咁痛，但唔乾淨。

上年我剝左隻大牙，我同個醫生講要鑲牙，但個醫生話我得半個位，唔鑲好過鑲；但今次個醫生同我講要我鑲返隻牙，唔係上面個隻牙會越生越長，哈哈我都唔知信邊個好。

今日終於再戰青衣城成功左了，排左成個鐘先入到Sanrio Village
，但只可以係里面逗留10分鐘左右，看似好細，幾分鐘就可以影完走人，但原來都唔係架，第一人多，咩都要等要排，咩都急。

回顧2009年，發生左好多好多事，有開心、有唔開心。

記憶猶新的莫過於：第一件事係今年同男朋友分左手啦，拍左拖5年幾，最近呢兩年都係唔開心多過開心，在分手時亦都令到雙方好唔開心，不過呢D都已經過去了。依家大家都可以做返朋友，已經係意想不到的事了。另一方面，我真係好感謝你，在過去5年里面帶給我所有所有的喜怒哀樂，呢D都係我成長過程中的一部份。同時，我亦相信一段感情的結束，是另一段感感的開始，所以隨着2009年的過去，希望在新的一年內，大家都可以各自搵到生命中的另一伴。